Seyyid Peyman - Ey Vay Yaralı Hüseyn

Yuxuda gördüm dolanıram Kərbəladə
Yetişib düşmənlərin gördüm muradə
Döşənib cismin çuxur yerdə aradə
Ağlaşırlar qızların xeymə səradə

Bir yanda gördüm ağlayır
Bir qız Ata fəraqına
Bu yanda bir xanım alıb
Cənazəni qucağına

Gördüm gəlir məqtələ Zəhra əzalı Hüseyn
Yer göy olub bir deyir Ey vay yaralı Hüseyn
Ey vay yaralı Hüseyn

Qorxulu məhşərdi gördüm Kərbəladə
Bir tərəf qolsuzdu səqqa neynəvadə
Bir tərəfdə Əkbərin nəşi əbadə
Bir tərəfdə teşnə qurbanlar minadə

Qılınclar ilə doğranıb
Zibhən əzimən ayəsi
Çuxur yerə düşüb Hüseyn
Yaralı yoxdur sayəsi

Gözdən atıb bir başa əhli əyalı Hüseyn
Məqtəldə yorğun düşüb Allah camalı Hüseyn
Ey vay yaralı Hüseyn

Yerdə Qur'an surə-surə ayə-ayə
Oxuyur rozə mələklər şühədayə
Baş açıq taha gəlibdir Kərbəlayə
Ağlayır şahi zəbihən min qəfayə

Zeynəb dedi ya Fatimə
Başsız görəndə qardaşın
Öpdü yaralı hulqunu
Tökdü cəmalə göz yaşın

Şamə gedir nizədə Kərbubəlalı Hüseyn
Dünya boyu Şiənin oldu məlalı Hüseyn
Ey vay yaralı Hüseyn