Leyla Ramazanlı - Sadəcə Unutmalıyam (Remix)

Qədər nə amansız verdi hökmünü
Mən səni sadəcə unutmalıyam
Ömrümün ən xoşbəxt, sevincli günü
Mən səni sadəcə unutmalıyam
Qəlbimin üstünə daş bağlasam da
Yanıb axşam-səhər hey ağlasam da
Hər gecə kölgəni bıçaqlasam da
Mən səni sadəcə unutmalıyam
Artıq istəsəm də, istəməsəm də
Bağrımı qurd kimi didib, yesəm də
Min yol bu taleyə lənət desəm də
Mən səni sadəcə unutmalıyam
Bir sevda yaşatdın barsız, bəhərsiz
Bir zülmət bəxş etdin nursuz, səhərsiz
Ümüdsiz, arzusuz, təsəllilərsiz
Mən səni sadəcə unutmalıyam
Bu can çəkişsə də üzüntülərdən
Çıxsa da, qalsa da qəm də, kədər də
Ölüb dirilsəm də xatirələrdə
Mən səni sadəcə unutmalıyam
Daha nə ölüsü, nə də dirisi
Nəyimə gərək ki, ömrün gerisi
Sən dünya, mən isə ölmüş birisi
Mən səni sadəcə unutmalıyam