"Es ey külək"

Əs ey külək, yara tərəf,
Get qarışdır yuxusunu!
Açan kimi pəncərəsin,
Gətir mənə qoxusunu.

Görünməyir gözlərimə,
Nə səsi var, nə sorağı!
Bəlkə zülmət gecədədi,
Bəlkə, sönübdür çırağı.

Əs ey külək, yara tərəf,
Get qarışdır yuxusunu!
Açan kimi pəncərəsin,
Gətir mənə qoxusunu.

Get xatırlat mənli olan,
Mənlə keçən günlərini!
Dara mənim əllərimlə,
Sevgilimin tellərini.

Əs ey külək, yara tərəf,
Get qarışdır yuxusunu!
Açan kimi pəncərəsin,
Gətir mənə qoxusunu